Ահա՛, Նա՛ է իմ Աստվածը
Աստված Ամենակարող Տերն է, Ամենազոր Արքան, Հուդայի Առյուծը, Դարերի Ժայռը, Խաղաղության Իշխանը, Արքաների Արքան, Տերերի Տերը, Մատակարարը, Պաշտպանը, Հայրական Առաջնորդը, Իշխող Տերը և ողջ տիեզերքը կառավարող Արքան:
Նա Հայր է, Օգնական, Պահապան և Աստված: Նա է Առաջինը և Վերջինը, Սկիզբն ու Վերջը: Նա է Պահապանը արարչագործության և Արարիչը ամենի, ինչն Ինքը պահպանում է: Ճարտարապետը ողջ տիեզերքի և Կառավարիչը բոլոր ժամանակների:
Նա միշտ եղել է, կա և կլինի՝ Անշարժ, Անփոփոխ, Անհաղթելի և երբեք Անավարտ: Նա ծեծված էր և բերեց բժշկություն: Նա խոցված էր և մեղմացրեց ցավը: Նա հալածված էր և բերեց ազատություն: Նա մահացած էր և բերեց կյանք: Նա հարություն է առել և զորություն է բերում: Նա թագավորում է և խաղաղություն է բերում:
Աշխարհը չի կարող հասկանալ Նրան, զորքերը չեն կարող հաղթել Նրան, դպրոցները չեն կարող բացատրել Նրան, և առաջնորդները չեն կարող անտեսել Նրան: Հերովդեսը չկարողացավ սպանել Նրան, Փարիսեցիները չկարողացան շփոթեցնել Նրան, մարդիկ չկարողացան պահել Նրան: Ներոնը չկարողացավ փշրել Նրան: Հիտլերը չկարողացավ լռեցնել Նրան, Նոր Դարը չի կարող փոխարինել Նրան:
Նա լույս է, սեր, հարատև և Տեր: Նա առաքինություն է, բարություն, հեզություն և Աստված: Նա Սուրբ է, Արդար, զորավոր ու մաքուր: Նրա ճանապարհները ճիշտ են, Նրա խոսքը հավիտենական է: Նրա կամքը անփոփոխ է, և Նրա միտքն ինձ վրա է: Նա իմ քավիչն ու փրկիչն է: Նա իմ առաջնորդն է: Նա իմ խաղաղությունն է: Նա իմ ուրախությունն է: Նա իմ մխիթարությունն է: Նա իմ Տերն է և Նա կառավարում է իմ կյանքը:
Ես ծառայում եմ Նրան, քանի որ Նրա պարտատոմսը սերն է: Նրա բեռը լույսն է, և Նրա նպատակը իմ համար առատ կյանքն է: Ես հետևում եմ Նրան, քանի որ նա իմաստունի իմաստությունն է, զորավորի զորությունը, օրերի հնությունը, ղեկավարողների ղեկավարը, առաջնորդների առաջնորդը և Տերն այն ամենի, ինչ եղել է, կա ու դեռ կլինի:
Եվ եթե սա տպավորիչ է թվում քեզ, ինքդ է՛լ փորձիր:
Նրա նպատակն է՝ փոխհարաբերություն ինձ հետ: Նա երբեք չի՛ լքի, չի թողնի, չի՛ մոլորեցնի, չի՛ մոռանա , չի՛ անտեսի ինձ:
Երբ ընկնում եմ, Նա բարձրացնում է: Երբ սխալվում եմ, Նա ներում է: Երբ տկար եմ, Նա ուժեղ է: Երբ կորչում եմ, Նա ճանապարհն է: Երբ վախենում եմ, Նա իմ քաջալերանքն է: Երբ սայթաքում եմ, Նա կանգնեցնում է ինձ: Երբ վնասվում եմ, Նա բուժում է ինձ: Երբ կոտրվում եմ, Նա ինձ վերականգնում է: Երբ կույր եմ, Նա առաջնորդում է ինձ:
Երբ քաղցած եմ, Նա կերակրում է ինձ: Երբ դժվարության առաջ եմ կանգնում, Նա ինձ հետ է: Երբ հալածանքների եմ հանդիպում, Նա հանգստացնում է ինձ: Երբ խնդիրների եմ հանդիպում, Նա մխիթարում է ինձ: Երբ կորուստ եմ ունենում, Նա ապահովում է ինձ: Երբ մահվանն եմ հանդիպում, Նա Տուն է տանում:
Նա ամեն ինչ է ամեն մեկի համար՝ ամեն տեղ, ամեն ժամանակ և ամենուր: Նա Աստված է, Նա հավատարիմ է: Ես Նրանն եմ, Նա իմն է: Իմ Երկնային Հայրը կարող է հաղթել այս երկրի հայրերին:
Եվ այսպիսով, եթե քեզ հետաքրքրում է, թե ինչու եմ ես այդքան ապահով զգում ինձ, հասկացիր սա՝ Նա է այդպես ասել, ուրեմն դա այդպես է:
Աստված վերահսկում է ամեն բան, և ես Նրա կողմից եմ, և դա նշանակում է, որ ամեն բան լավ կլինի իմ հոգու հետ:
